20/05/2026
Aurizberrik beste urte batez Musikaren Egunaren edizio bat ospatu zuen maiatzaren hasieran. Herriko egutegian dagoeneko finkatuta dagoen hitzordu honek berriz ere herriko bizilagunak bildu zituen herrian sustrai sakonak dituen musika tradizioaren inguruan.
Goiza kalejira batekin hasi zen, herriko kaleetan barna, erraldoi eta kilikien konpartsak eta txistulari taldeak girotuta. Ondoren, ospakizunak elizan jarraitu zuen, bertako hainbat musikari, txistulariak eta Auzperri Abesbatzak eskainitako kontzertuarekin.
Eguneko unerik esanguratsuenetako bat Aurizberri eta Lergaren arteko senidetze ekitaldia izan zen. Bi herri txiki horiek zinemaren bidez lotu dira, ‘Kukuaren kanta’ eta ‘Ziarraize’ filmen grabazioen harira, elkarlaneko eta parte-hartzaile izaerako proiektu baten barruan garatutako lanak baitira.
“Gaur zerbait oso polita ospatzen dugu: ez bisita bat bakarrik, ez festa bat bakarrik, baizik eta pixkanaka eta modu naturalean hazten joan den lotura baten berrespena”, nabarmendu zuen ekitaldian Ana Almirantearena kontzejuko presidenteak.
Senidetzearen harira, Kontzejuak festetako zapi bat, tokiko produktuekin osatutako poltsa bat eta egurrezko taila bat oparitu zizkien Lergako bizilagunei, egunaren oroigarri gisa.
Herri bazkariaren ondoren, ospakizunak arratsaldean jarraitu zuen frontoian kantaldi parte-hartzailearekin, talo afariarekin eta DJ Bernyrekin gaupasarekin Ederrena ostatuan.
Musikaren Eguna, horrela, Aurizberriko hitzordu berezi gisa sendotu zen beste behin ere, kultura, tradizioa eta herritarren parte-hartzea uztartuz, eta aurten gainera Nafarroako beste herri batekin lotura berri bat gehituz.
15/05/2026
Uztarroze izango da aurten Erronkaribarreko Uskararen Egunaren egoitza, urtero bezala lekukoa bailarako herrien artean eskuz aldatzen den ospakizunean. Maiatzaren 23an egingo den hitzorduak norabide aldaketa bat ekarriko du, antolatzaileek erabaki baitute hemendik aurrera ez dela gai espezifikorik landuko, baizik eta urte guztietarako balioko duen mezu bateratua finkatuko dela. “Uskara bizirik izanen da” izango da leloa aurrerantzean, urtero errepikatu nahi duten aldarrikapen nagusia.
Erabaki horrekin batera, irudi bateratu bat ere sortu dute: Erronkaribarreko zazpi herriak barnebiltzen dituen espiral itxurako logoa, bailararen nortasuna adierazten duten mendiekin osatua. Antolatzaileek azaldu dutenez, azken urteotan gai baten inguruko lanketak lan handia eskatzen zuen, eta oraingoan mezu argi, iraunkor eta partekatu baten aldeko apustua egin dute.
Aldarrikapen nagusiak uskararen bizitasuna azpimarratzen du. Izan ere, bailarako biztanleek egunerokoan uskarazko hitz ugari erabiltzen dituzte, askotan oharkabean, hizkuntza bizirik mantenduz. Horrez gain, azken urteotan esaldi sinpleak erabiltzeko hautua egin dute, hala nola “erran egun onik eta gai onik”, “zer gisa?” edo “anitx onki”, eta aurtengo arropetan ere islatu dituzte adibide horiek.
Hala ere, antolatzaileek ohartarazi dute erabilera oraindik ez dela ohikoena, eta horregatik herritarrei dei egin diete beren hizkuntza ohiturei buruz hausnartzera eta euskararen erabileran urratsak ematera. “Badakigu Erronkaribarreko etorkizuna euskalduna izanen dela, baina oraina zaintzea dagokigu”, nabarmendu dute.
Ospakizunaren atarian, azken asteotan hainbat jarduera antolatu dira, guztiak ere Erronkaribarren euskararen alde urteetan egindako lanari lotuak. Martxoaren 28an, Gotzon Perez Artutxek eta Mikel Belasko Ortegak bailarako toponimia eta ohiturak izan zituzten hizpide; apirilaren 5ean, berriz, Josu Martinezen Bizkarsoro filma eskaini zen Uztarrozen, euskararen biziraupena eta jasandako jazarpena ardatz hartuta.
Maiatzaren 9rako, bestalde, “Euskararen berreskurapena Erronkaribarren XX. mendearen amaieran” izeneko mahaingurua antolatu dute, Susana Lusar (D eredua), Fermin Gale (AEK) eta Dabid Lalanaren (euskara zerbitzua) parte-hartzearekin. Ekimen guztiek lotura zuzena dute bailarako euskararen alde egindako lanarekin, eta azken asteotan material salmenta ere egin da herriz herri.
Parte-hartzea errazteko, “Xin-Xoan” zerbitzua antolatu dute: goizean 12:00etan eta arratsaldean 21:00etan Bidankozetik abiatuko da, eta gauean 04:00etan irtengo da Uztarrozetik itzulera egiteko. Bestalde, bazkarirako txartelak bailarako hainbat tokitan eskuratu ahal izango dira, besteak beste, Uztarrozeko Roye tabernan, Izabako Marruzuri goxotegian, Urzainkiko gasolindegian, Erronkariko Txarpa eta Errota tabernetan, Gardeko Erdialde tabernan, Burgiko Sandraren dendan eta Bidankozeko Danielna tabernan.
Uztarrozek hartuko du aurten lekukoa, baina mezua bailarako herri guztientzat da: uskara bizirik dago, eta bizirik iraungo badu, egunerokoan erabiltzea funtsezkoa izango da.
13/05/2026
La Comunidad de Trabajo de los Pirineos (CTP) celebró los días 11 y 12 de mayo su Comité Ejecutivo en Ochagavía/Otsagabia, dentro de la presidencia rotatoria que ejerce el Gobierno de Navarra. Representantes de los siete territorios miembros —Nueva Aquitania, Occitania, Euskadi, Navarra, Aragón, Cataluña y Andorra— avanzaron en los principales proyectos de cooperación transfronteriza y en la futura Estrategia Pirenaica 2028‑2034.
La vicepresidenta Ana Ollo abrió la reunión destacando el compromiso navarro con la colaboración pirenaica. El encuentro profundizó en los retos comunes del territorio, especialmente en protección civil y emergencias, así como en ámbitos como la movilidad sostenible, la transición energética, el reto demográfico, la cooperación sanitaria y la gestión de emergencias.
La delegación visitó el Centro de Interpretación de la Naturaleza de Ochagavía para conocer el proyecto ECOGYP, ejemplo de cooperación para la conservación de rapaces necrófagas, y la casa‑museo Kasa Koleto, tras reunirse con representantes locales.
El Comité abordó también el futuro marco financiero europeo 2028‑2034 y el seguimiento del programa POCTEFA. La celebración de esta reunión en Navarra refuerza el papel del Pirineo como espacio de innovación, cohesión territorial y cooperación europea.
